Maine poocha kaise ho
Badley ho ya waise ho
Roop wohi, andaaz wohi
Ya phir is mein koi kami
Hijr ka kuch ihsaas to hoga
Koi tumharey paas to hoga
Ham bichre ye majboori thi
Kab manzoor hmain doori thi
saath hamaara kab chhuta hai
Rooh ka rishta kab toota hai
Aankh se jo aansu behtey hain
Tum ko khabar hai kya kehtey hain
Maine kaha aawaz tumhaari
Aaj bhi hai humraaz hamaari
Phool wafa ke khil jaayenge
Ek din ham phir mil jaayenge
No comments:
Post a Comment