aankhen bheeg jati hain....shairy

Sumandar main utarta tu aankhen bheeg jati hain
Teri aankhon ko parhta hoon tu aankhen bheeg jati hain




Tumhara naam likhne ki ijazat chin gai jab se
Koi bhi lafz likhta hoon tu aankhen bheeg jati hain



Naa jaanay ho gaya iss qadar hassaas main kab se
Kissi se baat karta hoon tu aankhen bheeg jati hain


Who sub guzray huay lamhat mujhko yaad atay hain
Tumharay khat jo parhta hoon tu aankhen bheeg jati hain


Main sara din bohat masroof rahta hoon magar joonhi
Qadam chaukhat pe rakhta hoon tu aankhen bheeg jati hain


Hazaaron mausamon ki hukmarani hai mere dil par wasi
wasi main jab bhi tanha  hoon tu aankhen bheeg jati hain