Friday 29 June 2012

shairy:ae gham e jana buhat dil geer hon main


ae gham e jana buhat dil geer hon main
ik adhore khawab ki ta'abeer hon main


kal talak pore the khadd o khaal mere
aaj be chehra si ik tasweer hon main



ab to haq mojon ko he mujh ko mita dain
rait par likhi hoi tahreer hon main


das rahe hain mujh ko an chahe andhere
in dinon ik shama be tanveer hoon main


hath mera thaam le ae kash koi
rasta bhooli hoi raahgeer hon main


kis tarah uthon qateel is dar se aakhir
aap apne paon ki zangeer hon main

No comments:

Post a Comment